Ndërsa sot u la në fuqi vendimi për 26 pasuritë e sekuestruara të Ylli Ndroqit, në seancën gjyqësore kishte edhe një monitorues nga ambasada amerikane.
Gjykata e Posaçme e Apelit lë në fuqi vendimin për sekuestro të pronave të Ylli Ndroqit.
Kur SPAK sekuestroi befasisht pasurite e bosit të Yldon Media Group, reagimi nga blloku i Ndroqit qe i ashpër dhe i menjëhershëm. Ndaj SPAK u hodhën akuza të rënda për sulm politik. Ambasada amerikane reagoi duke thënë se mbështet plotësisht SPAK dhe nga çështje të të profilit të lartë priten kundërpërgjigje të forta.
Ndroqi kërkoi shfuqizimin e vendimit të shpallur më 1 gusht nga Shkalla e Parë dhe heqjen e sekuestrove të 26 pasurive. Ankimimi u shoqërua me 6 fashikuj voluminozë që vërtetojnë se pasuria e klientit të tij, Ylli Ndroqi është 100 % e ligjshme. ©Lapsi.al
