Edhe pse në mëngjes shprehu konsideratat më të larta më ish-Presidentin Meidani, në mbrëmje kryeministri edi Rama nuk mori pjesë në nderimin e tij me dekoratën e Flamurit Kombëtar që iu dha nga Presidenti Ilir Meta.
Në ceremoni nuk munguan Sali Berisha, Lulzim Basha, Bamir Topi, Skënder Gjinushi, Pandeli Majko madje edhe Hashim Thaçi që kishte udhëtuar nga Kosova.
Për mungesat Meta dha këtë mesazh: “U kërkojmë falje me dhjetëra, qindra personaliteteve të politikës, të institucioneve, të shoqërisë civile, akademikëve, profesorëve që do donin të ishin këtu, por duhet të jemi të kujdesshëm për sa i përket kushteve të pandemisë. Gjithsesi është e qartë se mesazhi shkon kudo tek të gjithë”.
Por pas publikimit në lapsi.al të lajmit për mungesën e Ramës dhe paqartësinë nëse ai ishte ftuar apo jo, ka reaguar zëdhënësi i Metës, Tedi Blushi i cili nuk e ka kursyer ironinë për kreun e qeverisë.
“Një sqarim për kolegët e nderuar të Lapsi.al. Kryeministri Rama ka qenë sot i ftuar në ceremoninë e dekorimit të Prof.Dr Meidanit, por ai ka qenë duke u marrë me Bjellorusinë. Ndaj e mirëkuptojmë për mungesën!” – shkruan Blushi. ©LAPSI.al
https://www.facebook.com/blushited/posts/10158580325072760
