Në një tjetër manovër publike për të goditur qeverinë për krizën në kufi me Greqinë, Ilir Meta publikon një letërnjoftim të ambasadës shqiptare në Greqi drejtuar ministrisë sonë të Jashtme, që lajmëron për masat e shtetit grek.
Letra mban datën 5 gusht. Meta thotë se ambasada shqiptare ka kryer me korrektësi shembullore paralajmërimin e menjëhershëm, por kryeministri Rama i cili është njëkohësisht dhe ministër i jashtëm pushon për shtatë palë qejfe.
Siç shihet nga dokumenti që publikon Meta, ambasadorja ende në detyrë Ardiana Hobdari e cila u shkarkua nga ministri në detyrë Cakaj, ka paralajmëruar më 5 gusht mbi masat e reja që vetë zv.ministri i brendshëm grek Hardalias bëri të ditur në një konferencë për shtyp po 2 javë më parë.
Meta akuzoi sot në një konferencë për shtyp qeverinë dhe Edi Ramën për krizën. Ky i fundit nuk vonoi ti përgjigjej duke thënë se Meta shfrytëzon institucionin e Presidentit për të bërë opozitë. ©Lapsi.al
Lexo më tej:
Meta fajëson Ramën për katastrofën në Kakavijë: Ai ka përgjegjësi dyfish
Akuzat për situatën në Kakavijë, Rama i përgjigjet Presidentit Meta
STATUSI NGA ILIR META
