Protesta për prishjen e Teatrit Kombëtar janë zhvilluar këtë fillim jave në Vjenë. Një grup shqiptarët janë mbledhur për të protestuar përpara selisë qendrore të fondacionit “Erste Stiftung”.
“Erste Stiftung” është një fondacion i cili edhe më herët ka mbështetur financiarisht dhe përmes imazhit publik iniciativa për zhvillimin e demokracisë në Ballkan. Me pankarta në duar, ku ndër të tjera shkruhet “Rama-Veliaj, vëllezër në krim”, apo “ Demokracia në Shqipëri po vdes, mos hesht”, protestuesit kërkojnë që fondacioni, si mbështetës i zërit të shoqërise civile, të mbajë një qëndrim në lidhje me shembjen e Teatrit Kombëtar, të cilin e konsiderojnë një simbol të trashëgimisë europiane.
Ata shprehen se me qëllim sensibilimin e opinionit ndërkombëtar për regjimin që është vendosur aktualisht në Shqipëri, do të vijojnë protestat e tyre edhe në ditët në vijim, përpara organizatave të tjera joqeveritare dhe ndërkombëtare.
