Një aksident ka ndodhur mesditën e sotme në zonën e Brrylit në Tiranë, ku një taksi ka përplasur një biçikletë dhe për pasojë drejtuesi i këtij të fundit ka mbetur i plagosur.
Pas aksidentit, shtetasi me inicialet G.V., 55 vjeç, është dërguar në spital me urgjencë. Në vendin e ngjarjes ndodhet policia.
“Më datë 12.05.2020, rreth orës 13:45, tek “Brryli” një mjet me drejtues shtetasin K.A., ka aksidentuar biçiklistin G.V., 55 vjeç, i cili ndodhet në spital, jashtë rrezikut për jetën.
Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes.”, thuhet në njoftimin e policisë.
