Rikuperimi i Giorgio Chiellini vazhdon me shpejtësi dhe rikthimi në fushë i kapitenit mund të jetë më i shpejtë se sa parashikohej. Sipas të dhënave të fundit mbrojtësi i Juventus, që në 30 gusht u operua për këputje të kruciatit, mund të kthehet në dispozicion të Maurizio Sarri që në shkurt e të jetë kështu në maksimum për sprintin final të sezonit bardhezi. Një "përforcim" fondamental për kampionatin e Champions League.
Me Chiellini sërisht në vendin e tij, mund të jetë Rugani i "sakrifikuari". Ish-mbrojtësi i Empolit ka gjetur pak hapësira në këtë pjesë të parë të sezonit (vetëm 3 prezenca në total) e për të mund të hapen portat e lamtumirës, që u përfol edhe në verën e kaluar. Në gjurmët e tij është Leicester, aktualisht i dyti në Premier League, që ka gati një ofertë prej 20 milionë euro për të bindur bardhezinjtë.
