Pavarësisht sezonit të vështirë me Williams, Robert Kubica edhe në 2020 do të jetë një pilot i F1. Jo një titullar, gjithësesi, por do të mbulojë rolin e pilotit të tretë e kolaudatorit të Alfa Romeo përkrah Raikkonen e Giovinazzi. Njoftimi ka ardhur në natën e Vitit të Ri, bashkë me një sponsor të ri, kompania polake e sektorit të naftës PKN Orlen, sjellë nga vetë 35 vjecari nga Krakova, që do të transformojë emrin e skuderisë në Alfa Romeo Racing Orlen.
“Jam vërtetë i lumtur për të filluar këtë kapitull të ri në karrierën time, ndërsa bashkohem me Alfa Romeo Racing Orlen. Kjo skuadër ka një vend special në zemrën time e jam i lumtur të shoh disa fytyra nga koha ime në Hinëil (selia e Sauber nga ku lindi Alfa). Koha e rrethanat janë natyrisht të ndryshme, por jam i bindur se do të gjej të njëjtën vendosmëri e uri për sukses. Mezi pres të ndihmoj Alfa Romeo Racing Orlen të bëjë një hap tjetër përpara”, ka thënë piloti polak.
