Tirana i uron të gjithëve Krishtlindjen, por natyrisht në radhë të parë tifozëve bardheblu. Një postim i dedikuar ai i klubit 24 herë kampion, me këngën për skuadrën bardheblu, që kujton edhe njëherë rrugën e vështirë në të cilën ka kaluar formacioni bardheblu, për të qenë skuadra që është sot.
Futbollistët e Tiranës shfaqen pranë pemës tradicionale të Krishtlindjes, duke iu gëzuar atmosferës pozitive që gjeneron pas tre fitoreve radhazi, nën drejtimin e Emanuel Egbo që e transformoi renditjen nga vendi i tetë në të cilën ishte para derbit, në të tretin vetëm tre pikë larg vendit të parë.
