Nuk ka paqe për Massimo Ferrero. Në mbrëmje është shfaqur në Genova një tjetër parullë kontestuese e kërcënuese për presidentin e Sampdoria, fajtor, për tifozët dorianë, se bëri të dështonte shitja e klubit tek grupi që përfaqësohej nga Gianluca Vialli. "25 dhjetor, dreka e Krishtlindjes: Ferrero zgjidhe mirë lokalin tënd", është teksti i shkruar nga ultras. E kj ka ndodhur pikërisht dje kur Ferrero i kishte dedikuar tifozëve të Samp e qtetit të Xhenovas në përgjithësi një urim të gjatë Krishtlindje përmes mikrofonëve të Telenord.
URIMI I PRESIDENTIT
"Dua të bëj një urim, për tifozët e Sampdoria që nuk më duan, për Xhenovan, në këtë qytet të mrekullueshëm, felinian, pezull. Një qytet që e falenderoj, që janë 6 vjet që më mirëpret edhe pse ndonjëherë më kontestojnë, sepse më duan".
"Dua të uroj familjen Garrone – vazhdon ai – për të gjitha familjet që japin e po i japin këtij qyteti punë. Përtej Xhenovas është Italia. Është një Itali që punon, që lodhet. Xhenovan e lënë pak pas dore, njerëzit nuk e kuptojnë sa familje të mira, që kanë bërë Italinë, janë ende këtu e punojnë për këtë qytet të mrekullueshëm".
"Kam pësuar dhimbje, sepse jamë ndjerë xhenovez, mbi urën Morandi, mbi përmbytjet. Xhenova nuk duhet të heqë dorë, do të ngrihet gjithnjë. I bëj shumë urime xhenoanëve e sampdorianëve, por mbi të gjitha Italisë që punon. Festa të mbara, me gjithë zemër, nga Massimo Ferrero".
