Hulk krijon një skandal të vërtetë në Brazil. Sulmuesi brazilian i Shanghai SIPG ka lënë të dashurën e tij, Iran Ângelo de Souza, për tu lidhur me mbesën e gruas, Camila. Hulk e Iran kishin 12 vjet bashkë dhe tre fëmijë, ndërsa këtë vit duhet të martoheshin, por në gushtin e kaluar janë ndarë.
Hulk atëherë është lidhur me mbesën e saj, ashtu si ai e ka konfirmuar në një komunikatë: “Këtë të shtunë Hulk ka telefonuar prindërit e vëllait të Camila për ti treguar lidhjen e tyre. Futbollisti dhe vajza e re kanë nisur të frekuentohen në tetor dhe lojtari vetë ka bërë publik informacionet, sepse nuk donte të fshihej. Pozicioni i tij është transparent e dëshiron të evitojë gënjeshtrat e të shmangë komentet dashakeqe”.
