Në pamundësi për të nxjerrë një dokument, apo një material konkret që të provojë se Artur Meçollari ka qenë spiun, apo ka tradhëtuar në një moment detyrën, deputetët e Partisë Demokratike kanë nisur ta akuzojnë për vjedhjen e një batanijeje në shkollë.
Zbulimin e bëri ish shefi i Shtabit të Përgjithshëm, i konvertuar në deputet të PD-së, që më parë ishte shprehur për Meçollarin si një ushtarak “overqualified” për negociatat me detin.
Në përgjigjen e saj, ministrja Olta Xhaçka tha se bëhet fjalë për një ngjarje kur Meçollari, në moshën 18-vjeçare dhe në kushte mbijetese i kishte marrë një batanije një shokut të tij.
DEBATI I PLOTE
Xhaçka: Meçollari nuk ka dosje. Ju zoti Noka si spiun i serbëve duhet ta dini shumë mirë këtë gjë. pjesëmarrrja e tij në takimet me Greqinë është bërë me leje të Ministrisë së Mbrojtjes me kërkesë të Ministrisë së Jashtme. Meçollari është bashkë me tre të tjerë në cilësinë e këshilluesit. Nuk është e vërtetë që Meçollari ka qenë në përgjim. Ka hyrë në përgjim vetëm një herë me shpresë se do kapej ndonjë gjë nga letrat dacibao. Atëherë për turpin e të gjithëve, nuk u përgjua vetëm Meçollari nga SHIU, por u përgjuan edhe ambasadat e huaja.
Gjunkshi: Pyetja që kam unë është, a ka qenë ndonjëherë i dënuar për vjedhje në ushtri Meçollari?
Xhaçka: Po lini nam tani. Ai ka marre batanijen e shokut kur ka qene 18 vjeç.
Noka: E keni dënuar për vjedhje batanije?
Xhacka: Pse vjedhje është se i ka marre batanijen shokut dhe i bën procesverbal per vjedhje? Mos lini name.
Murrizi: Qenka hajdut batanijesh.
Gjunkshi: Ai është përjashtuar një vit nga Akademia.
Xhacka: Tani degjeneroi ne një batanije. Nga spiun i vendeve jo partnere te NATO-s akuzat tuaja degjeneruan në një hajdut batanijesh kur ishte 18 vjeç se donte te ngrohej. Meçollari është një patriot dhe atdhedashës shumë i mirë.
