Në interpelancën e kërkuar nga Dora Bakojanis, Ministri i Jashtëm i Greqisë Nikos Kotzias ka dhënë detaje për negociatat e paktit detar me Shqipërinë.
Mediat greke raportojne se Kotizas duke iu referuar paktit te vitit 2009, ka deklaruar se “një marrëveshje e vërtetë eshte më mirë se një marrëveshje fantazmë”.
Me tej, ai ka pranuar se gjenden përballë tri alternativave: “ose të mos bëjmë marrëveshje, ose të pranojmë vendimet e Gjykatës Kushtetuese, ose të përpiqemi të korrigjojmë çështjet teknike”.
“Unë pres që një mirëkuptim dhe bashkëpunim. Sa herë që të doni, unë jam në dispozicionin tuaj për t’ju informuar. Nuk është mirë të nxirren përfundime nga raportet e shtypit. Ministria e Jashtme e Shqipërisë është në një mosmarrëveshje me Presidentin shqiptar”- tha ai.
Kotzias ka dhënë detaje edhe peër grupin negociator të palës greke të përbërë nga 10 persona.
“Grupi ynë negociator përbëhet nga 10 persona. 8 janë zyrtarë të ministrisë së jashtme, një personalitet i të drejtës ndërkombëtare dhe një specialist i hatrografisë” ka thënë Kotzias.
