Ish-shefi i Antikrimit Ekonomik, Arjan Hoxha tregoi në Report Tv se sinjalizimet për kokainën që u kap në Maminas erdhën nga DEA amerikane. Ish-zyrtari Hoxha deklaroi se 613 kg kokainë u gjetën nga policia shqiptare pasi DEA kishte vendosur GPS brenda lëndës narkotike. Pas kësaj, agjentët amerikanë njoftuan policitë dhe institucionet për kapjen e saj, ndërsa ka ndjekur gjithë operacionin.
“DEA ka teknologji shumë të përpara, i vendos GPS. Kjo lloj pajisje vendoset brenda lëndës ose afër saj, dhe e shoqëron gjatë gjithë udhëtimit. Pastaj bën njoftimin herë pas here të policive dhe institucioneve të tjera dhe bën dorëzimin e kontrolluar”, tha Hoxha.
Sipas Arjan Hoxhës kokaina do të shpërndahej në disa laboratorë që gjenden në Shqipëri, për t’u përpunuar.
