Pas kapjes së ngarkesës rekord të kokainës në territorin shqiptar, plot 613 kg me vlerë tregu 180 mln euro, ka reaguar edhe ish-presidenti Bujar Nishani. Ai shprehet se siguria kombëtare e Shqipërisë është në rrezik.
Përmes një postimi në Facebook, ish-kreu i shtetit shkruan se "kthimi i Shqipërisë në destinacionin bazë të depozitimit të kokainës nga Amerika Latine, përpunimi i saj dhe shpërndarja më pas në Evropën Perëndimore e ka ekspozuar gjithsecilin prej nesh në një rrezik të madh edhe të jetës. Përfundimisht gjithçka e blerë! E blerë me kokainë tashmë. Ndaj siguria jonë është në rrezik! Kur siguria e qytetarëve të një vendi është në mënyrë masive në rrezik, Siguria Kombëtare është e tëra në rrezik", - shkruan Nishani.
