Duket se kapja e një sasie prej 613 kg kokainë në portin e Durrësit ka vënë në lëvizje ministrin e Brendshëm Xhafaj dhe drejtorin e policisë së shtetit. Xhafaj ka bërë mesditën e sotme një vizitë në Drejtorinë e Përgjithshme të Policisë së Shtetit.
Xhafaj takoi Drejtorin e Përgjithshëm Ardi Veliu dhe drejtuesit e operacionit të fundit antidrogë, ku ministri përgëzoi Policinë e Shtetit dhe inkurajoi për një hetim gjithëpërfshirës. Ai vlerësoi faktin e ruajtjes së konfidencialitetit të operacionit nga Policia dhe Hetimi Doganor. Ministri kërkoi bashkëpunim të ngushtë me Prokurorinë për t’i shkuar deri në fund hetimit.
