Policia e Shtetit ka sekuestruar një sasi rekord kokaine gjatë mbrëmjes së djeshme. Nga të dhënat e para mësohet se droga është gjetur e paketuar brenda një kamioni me banane që do nisej nga porti i Durrësit për në Bari.
Bëhet fjalë për 613 kg kokainë, ndërsa policia ka arrestuar Armando Pezakun dhe Donald Lushajn, si dhe ka shpallur në kërkim edhe pronarin e firmës ‘Arbri Garden’, Arbër Çekajn. Nga të dhënat e para bëhet e ditur, se Armando Pezaku ka qenë personi që drejtonte kamionin në të cilin u zbulua droga.
Në një vëzhgim në profilin e tij në ‘Facebook’, Pezaku shkruan se punon shofer kamioni dhe u çon miell partizanëve. Ndoshta, Pezaku e ka pasur fjalën për kokainën, ku duke pasur parasysh ngjyrën që ka, pagëzohet si "miell".
