Duket se trafikantët e kokainës nga porti i Durrësit kishin gjetur një mënyrë mjaft efikase për të kaluar drogën në doganë. 613 kilogramët e kokainës të sekuestruar këtë të mërkurë në Durrës ishte fshehur në dyshemenë e dyfishtë të kontenierit të ngarkuar me banane.
Kokaina ishte e mbledhur me natriban dhe policia thotë se ngarkesa e ligjshme me banane u mor në dorëzim nga kompania “Arbi Garden”. Në pranga kanë rënë dy 25-vjeçarë, Donaldo Lushaj dhe Armando Pezaku, ndërsa pronari i kompanisë, A. Ç. është shpallur në kërkim.
Sasia e drogës dyshohet lidhet një rrjet trafiku narkotikësh, që nis nga Kolumbia dhe përmes organizatave të krimit të organizuar shqiptar përfundon në tregun europian.
[gallery columns="1" size="large" ids="278893,278894,278895,278896,278897,278898,278899"]
