Kjo mund të cilësohet padyshim si fotoja e javës. Në këto foto më poshtë, të cilat janë shkrepur në të njëjtin vend dhe kanë të njëjtin subjekt, tregohet një grua e moshuar, shitëse ambulante, e cila mundohet t’i shpëtojë syrit të policisë bashkiake dhe gjobave të tyre, por që nuk u shpëton dot kalimtarëve, të cilët ia qajnë halli.
Duket sikur këta policë janë vënë në kërkim të gruas së gjorë, e cila mban në duar mallin e saj të pakët të ndarë në qeska dhe rri mendueshëm, me dorën të vendosur tek goja.
Ky është realiteti i hidhur që ka pushtuar Tiranën dhe që sot është inkuadruar në rrugën “Fortuzi”, pranë shkollës “Jeronim de Rada”./joq/
