I kishte premtuar ta shoqëronte në mbrëmjen e maturës dhe e ka mbajtur fjalën. Është historia e Mary Lapkowicz dhe Ben Moser, që nisi që në bankat e shkollës dhe që tani ka mallëngjyer internetin.
Mary ka lindur me sindromën Down dhe në kohën që frekuentonte ato që te ne quhen shkolla 8-vjeçare, Ben ishte ai që merakosej gjithmonë që ajo të ishte e lumtur. Në gjimnaz ata u ndanë, por ai nuk e kishte harruar premtimin që i kishte bërë. Dhe kështu, pas disa vitesh ftesa erdhi vërtet.
Ajo që e ka bërë publike raportin e tyre është Tracey Spogli, mësuesja e tyre e 8-vjeçares.
“Ben përpiqej gjithnjë që ta përfshinte në lojërat dhe aktivitetet e shkollës. Nëse e shihte që ajo nuk kënaqe, ai i afrohej dhe i fliste. Ishte gjithnjë i vëmendshëm ndaj saj”.
Një miqësi që u rrit më shumë gjatë shkollës, por që nuk ishte vënë re as nga nënat e tyre./lapsi.al/
