Claire Hudson është një vajzë 25 vjeçare që punon si kameriere në restorantin “Mac's Grub Shak” në Spring Hill të Floridas. Vajza e re ka treguar për publikun një histori mjaft prekëse që i ka ndodhur pak ditë më parë. Një klient i ka lënë një bakshish prej 36 dollarësh për një faturë vetëm 30 dollarë. Kjo ishte diçka e çuditshme për Claire. Kur ajo shkoi në tavolinën që ishte ulur ai person ajo gjeti një letër të shkruar me dorë. “Sot është ditëlindja e vëllait tim dhe ai do të mbushte 36 vjeç. Çdo vit unë shkoj të ha pjatën e tij të preferuar (një hot dog) dhe lë bakshish aq sa do të ishte mosha e tij. Gëzuar ditëlindjen Wes!” – thuhet në mesazh.
“Kur e lexova nisa të qaj dhe mu desh që të pushoja pak përpara se të kthehesha sërish në shërbim” – tregon Claire. “Duam të vihemi në kontakt me këtë klient misterioz sepse duam të dimë cilët ishin përbërësit e preferuar të vëllait të tij në mënyrë që ta fusim në menu një panine me emrin “Wes”- tha ajo.
