Në dy fotot më sipër tregohet një person në dy gjendje të ndryshme. Në të parën ai po kërcen, në të dytën ka ulur kokën dhe po rri në heshtje dhe mbase i turpëruar. Fotoja u postua në internet nga një person i panjohur me shënimin: “Shihni këtë bullafiqin që po përpiqej të kërcente javën e kaluar. Ai ndaloi sa na pa neve që qeshëm”. Kaq u desh. Tani janë të paktën 1700 gra që kërkojnë të kërcejnë me të. Janë të shumta që e kanë ftuar në mbrëmje kërcimi me arsyen e vetme që edhe ky person i panjohur të shprehë veten e tij. Gjithçka filloi nga postimi i disa grave nga Nju Jorku që me një postim në Tëitter krijuan hashtagun #FindDancingMan. Inisiatorja Cassandra Fairbanks tha më për gazetën “The Mirror” se nisi si një lojë, por u përhap me shpetësi në mijëra faqe. Pas disa orësh identiteti i këtij burri u zbulua. Ai postoi një foto në Twitter ku e falenderonte për ftesën. Cassandra tregon: “Fola me të. Për momentin është në Kiev, por do të kthehet pas disa javësh dhe ne kemi planifikuar të bëjmë një festë me të. Do t’ju mbajmë në kontakt”- shkruan ajo.
