Ndryshe nga vitet e tjera, këtë edicion të Festivalit të Këngës në RTSH ka munguar i ftuari ndërkombëtar. U përfol shumë për fituesen në garë të ESC 2014, Conchita por për shkak të angazhimeve të saj ai/ajo e pati të pamundur ardhjen në Shqipëri. E megjithate stafi organizator menjëherë e gjeti zëvendësuesin. Bëhej fjalë për fituesin e Eurovison Song Contest në vitin 2009 Aleksander Rybak, i njohur ndryshe edhe si djali me violinë, i cili mahniti publikun europian me këngën “Fairytale”. E ndërkohë, që të gjithë në Pallatin e Kongreseve dhe teleshikuesit në përfundim të 18 këngëve në gare prisnin të degjonin zërin e shijonin performancën e këngëtarit Aleksander Rybak, në festival as që u përmend mungesa e tij. Fituesi i Erovision Song Contest kishte konfirmuar ditë më parë prezencën e tij në Fest 53 por në momentin e fundit duket se diçka ka shkuar siç ishte parashikuar. Këngëtari ka publikuar në faqen e tij në Facebook një status ku me keqardhje informon të gjithë fansat, përfshirë këtu edhe ata shqiptar se vizita e tij në Shqiperi ishte anuluar, kjo për mosmarrëveshje midis tij dhe stafit organizativ të RTSH për arsye që e detyronin atë të bënte diçka jashtë natyrës se tij artiske në performancën në skenë.
“Jam shumë i keqardhur që nuk do të jem në ESC në Shqipëri këtë fundjavë. Pas të gjitha atyre që kanë ndodhur dhe disa keqkuptimeve me kompaninë që më ka ftuar e ndiej veten fare pa energji. Unë nuk jam krenar për këtë (nuk kam anuluar ndonjë gjë për një kohë të gjatë), por këtë herë unë duhet t’i përcaktoj limitet e mia kështu që unë nuk do të bëhem një budalla duke dalë nga vetja ime në skenë. Për njerëzit që kanë pritur për mua në Shqipëri, unë shpresoj se do të vijnë mundësi të tjera! Më vjen keq. Alex.” – shkruan ai në Facebook.
