Në darkën që Linda Rama shtroi për disa nga gazetaret dhe prezantueset e televizioneve mori pjesë edhe kryeministri Rama. Ashtu si edhe në darkën e tij me gazetarët edhe në këtë mbrëmje Rama nuk ka lënë pa i thumbuar vajzat e gratë e medias. Më kritik ai ishte me Rudina Xhungën. Drejtueses së emisionit shqip në Top Channel ai i tha se e kishte emisionin “si magazinë ku gjen çdo temë”.
Nga ana tjetër, ai vlerësoi Ilva Taren, duke thënë se përgatitej për çdo emision, por e thumboi paksa kur tha se ajo ka qejf të bëjë protagonizëm dhe nuk i lë të ftuarit të flasin.
Përsa i përket përgatitjes së emisioneve, ai vlerësoi edhe gazetarin Blendi Fevziu të emisionit Opinion.
Kryeministri dhe Bashkëshortja e tij ndanë edhe dhurata për 18 të ftuarat: disa libra të ndryshëm, botime të Dudajt dhe kozmetike të Fresh Line.
