Blerim Destani po, që di ta shijojë jetën; nga sheshi i xhirimit në palestër, nga makinat e shtrenjta tek motorët e shpejtësisë, e deri tek pushimet në vende ekzotike, janë ditët "rutinë" të aktorit tetovar. Burimet financiare të familjes Destani dihen tashmë dhe kjo ka bërë që artisti të mos e kursejë jetën e luksit, duke e shfaqur për fansat nëpërmjet postimeve në Instagram. Së bashku me dy miqtë e tij, futbollistët Pajtim Kasami dhe Admir Mehmedi, Blerimi gjendet momentalisht në Dubai ku temperaturat e larta, të ftojnë në plazh. Familja e tij ka në pronësi një vilë atje dhe aktori e shfrytëzon në muajt e dimrit.
