Janë ditët e fundit të përgatitjeve të festivalit të fundvitit në RTSH dhe artistët pjesëmarrës kanë qenë të zënë me prova në skenën e Pallatit të Kongreseve. Por kjo nuk i pengon aspak të shkrepin foto e pse jo të shprehin preferencat e tyre për njëri-tjetrin. Kështu, Elhaida Dani duket se e ka bërë zgjedhjen e saj. Në një foto të publikuar në Instagram, fituesja e The Voice of Italy, ka thënë se këngëtarja nga Kosova Linda Halimi, ka një zë fantastik dhe se mezi po pret të dëgjojë këngën e saj. Kënëgtaret në fjalë janë përfolur si favorite për të fituar çmimin e parë të festivalit, kjo duke i shtuar faktin se të dyja kanë braktisur vendet rezidente, për të pretenduar përfaqësimin e Shqipërisë në Eurovision.
