Pas katër viteve në Shqipëri, ambasadori amerikan Alexander Arvizu ka vetëm një keqardhje. Nuk ka mundur të takojë asnjëherë aktoren Olta Gixhari. Ai mund të mos jetë i vetmi që e ka këtë peng, por është i vetmi që e tha publikisht.
Gjatë intervistës së dhënë në Top Channel për gazetarin Sokol Balla,i pyetur se cila ishte keqardhja e tij më e madhe, ambasadori Arvizu u përgjigj: "Keqardhje është se kam shpenzuar 4 vite këtu dhe nuk kam takuar Olta Gixharin".
Ambasadori amerikan do jetë në Tiranë deri në janar dhe ndoshta pas kësaj deklarate mund të ndodhë edhe takimi i munguar. Ndërsa për aktoren Olta Gixhari, një peng nuk duhet të mbesë i tillë. Ndoshta takohemi në SHBA, thotë në një intervistë për Abcneës.
Më poshtë në një video lapsi.al sjell deklaratën e ambasadorit Arvizu dhe intervistën e Olta Gixharit.
