Çiljeta e ka nisur rrugën e saj në show-biz pikërisht nga konkurset e bukurisë. Atëherë kur vetëm 15 vjeç, modelja e shndërruar në këngëtare, arriti të kurorëzohej Miss Kinemaja në kompeticionin Miss Shqipëria. Edhe pse nga ajo kohë kanë kaluar shumë vite dhe portreti i Çiljetës ka ndryshuar, qoftë edhe për shkak të ndonjë ndërhyrje të vogël estetike, ajo shenjë dalluese që vazhdon ta shoqërojë bukuroshen e televizionit, mbetet vetulla. Siç duket, ngritjen e njërës vetull Çiljeta e ka patur zakon që në fillimet e saj përpara objektivit të aparatit fotografik, ku një pozë e tillë i ka dhënë figurës së saj nota provokuese.
