Alban Skënderaj dhe Mirjam Cani, jo vetëm që kanë ndërmend të martohen (tashmë ata kanë blerë sëbashku një vilë në periferi të Tiranës) por ata po provojnë të bëjnë edhe një fëmijë. Këtë e ka konfirmuar vetë këngëtarja në një intervistë të gjatë për Gazetën Shqiptare. "Po faktikisht ne kemi në plan ta shtojmë familjen tonë. Vitin tjetër do të kemi patjetër një fëmijë. natyrisht këto gjëra nuk janë krejtësisht në dorën tonë, por ne jemi të gatshëm për të qenë prindër" ka thënë Cani. Ajo ka pohuar gjithashtu se vitet dhe koha e kaluar bashkë vetëm e kanë rritur dashurinë, duke vërtetuar edhe njëherë shprehjen e shkrimtarit bashkëkohor amerikan, James Salter: "Femrat sa më shumë njihen, aq më shumë dashurohen, ndërsa meshkujt sa më shumë njihen, aq më tepër kërkojnë dicka tjetër".
