Lindur në vitin 1990 më 26 Nëntor në Prishtinë, Kosovë, Rita së bashku me familjen e saj u vendosën në Londër kur artistja ishte vetëm një vjeç. Që në moshë të vogël, ajo nisi të këndojë, duke dhënë shfaqje të improvizuara me mikrofon në pub-in e babait të saj në West London.
24-vjeçarja nisi rrugën drejt famës në vitin 2011, kur Dj Fresh atë kohë, po kërkonte një vokaliste femër për hitin “Hot right now”. Ai e zbuloi Ritën rastësisht nga ‘cover’-at dhe përgatitjet e saj në ‘youtube’, ndërsa vendosi të bashkëpunojë në këngën që u publikua më 12 Shkurt 2012 e arriti të kryesojë UK Singles Chart.
Që prej asaj kohe, karriera e këngëtares është përforcuar dita-ditës. Po atë vit, më vonë, ajo u bë artistja me më shumë këngë në vend të parë të paradës më të rëndësishme Britanike, me plotë tre hite kryesuese. U nominua për tre çmime në Brit Awards 2013 dhe çoi sërisht në vend të parë single-in debutues të albumit të dytë, duke regjistruar këngën e katërt në krye të klasifikimit Anglez.
