Tundimi është gjithnjë i madh. Telefoni i partnerit duket se të thërret. Duhet patjetër t’i hedhësh një sy se çfarë mban brenda, pavarësisht etikës e besimit tek partneri. Nëse je ndjerë në faj që ke përgjuar pa ose me dashje telefonin celular të partnerit tënd, mos e vrit mendjen. Një studim i ri i kompanisë së sigurisë AVAST në Pragë, tregon se nuk je vetëm. Një në pesë meshkuj dhe ¾ e femrave që janë në një marrëdhënie pranojnë se u pëlqen të fusin hundët aty ku nuk u takon. Me të gjetur rastin, ata marrin telefonin dhe kontrollojnë mesazhe, fotografi, aplikacione, gjithçka mund të gjejnë në telefon. ¾ e meshkujve të intervistuar thonë se e bëjnë këtë gjë sepse thjesht u pëlqen të fusin hundët. 12 % thonë se duan të shohin nëse partnerja e tyre po i gënjen. Megjithatë, arsyeja kryesore pse meshkujt ose femrat shohin celularin e partnerit është për të gjetur gjurmë të një tradhëtie të mundshme. Sa e përket femrave, 1/3 e tyre thotë se e bëjnë këtë nga kurioziteti, 21% për të parë nëse ai po i tradhëton dhe 14% nëse ai po gënjen. Rezultati është befasues, shumica e atyre që kanë patur një arsye për të kontrolluar telefonin e tjetrit kanë pasur të drejtë: ai ose ajo tradhëtonte. Këshilla e AVAST është nëse ke një parandjenjë që partneri të tradhëton, me shumë gjasë ke të drejtë! (www.lapsi.al)
