Mendon se shpirtin binjak mund ta gjesh përmes internetit? Nuk gabohesh aspak. Të paktën këtë thonë statistikat e analizuara nga universiteti i Çikagos. Takimet online garantojnë një dialog më të mirë mes çiftit, -thotë studimi i këtij universiteti, sipas të cilit, çiftet që lindin përmes komunikimit në internet janë më solide dhe më të lumtur se të tjerët. Studimi përfshiu analizimin e deklaratave të 19 mijë personave të martuar në periudhën 2005 - 2012. Atyre iu kërkua të flisnin për eksperiencat në çift dhe të shprehnin mendimin e tyre mbi cilësinë e lidhjes. Rezultoi se kush e kishte takuar shpirtin binjak përmes internetit, ndihej më mirë me partnerin. Por bëni kujdes kur ta kërkoni shpirtin tuaj binjak në internet. Këshillohen forumet apo chat -et e rrjeteve sociale, jo faqet e internetit për personat "single".
