Gazetari dhe prezantuesi Enkel Demi është parë në një ambient krejt të pazakontë për të, aq sa pakkush do ta besonte, po të mos kishte postuar ai vetë disa foto. Pas Ilir Metës dhe Edi Ramës, edhe Keli ka zbuluar sportin e Rafting. Por ai, si për të treguar që është paksa kundër rrymës, ka zgjedhur Vjosën në vend të Osumit. Keli është treguar mjaft i guximshëm në këtë sipërmarrje, duke patur parasysh se vetëm pak ditë më parë ai ishte majë patericave, pasi kishte ndrydhur këmbën. Ndoshta për siguri ka zgjedhur të ketë në krah edhe bashkëshorten, Mesilën. Megjithatë është për t’u përgëzuar për guximin. Por kujdes Keli! Sporti në moshë të vonë është i rrezikshëm...
