Presidenti amerikan, Donald Trump njoftoi mbrëmjen e kaluar se ushtria e SHBA-ve ka vrarë Héctor Rusthenford Guerrero Flores, i njohur si “Niño Guerrero”, i konsideruar si lideri i grupit kriminal Tren de Aragua. Me anë të një mesazhi të publikuar në platformën e tij Truth Social, Trump deklaroi se Komanda Jugore e SHBA-së kreu një sulm “të shpejtë dhe vdekjeprurës”, i cili arriti të ekzekutojë me sukses Guerrero Flores.
Sipas Trump, operacioni u realizua në koordinim të ngushtë me qeverinë venezueliane, megjithëse ai nuk specifikoi vendin apo kohën kur ndodhi. Postimi i tij përfshinte një video ku shihet një predhë që godet një ndërtesë, e cila më pas shpërthen në flakë.
