Shakira, e njohur për hitin Whenever, Wherever, ka rikujtuar ndarjen e saj nga ish-futbollisti Gerard Piqué në vitin 2022, pas 11 vitesh lidhje.
Në një intervistë për The Times, të publikuar më 22 maj, 49-vjeçarja tha se po kalonte “momentin më të errët të jetës”, duke përshkruar “shkatërrimin e familjes që kishte ëndërruar ta mbante përgjithmonë”.
Gjatë kësaj periudhe të vështirë, Shakira po përballej edhe me një tjetër sfidë familjare, pasi babai i saj pësoi një rënie të rëndë shëndetësore menjëherë pas udhëtimit në Barcelonë për të qenë pranë saj pas ndarjes.
“Kam kaluar shumë dhimbje, por kjo më ka bërë një person më të mençur dhe më të fortë,” u shpreh ajo. “Thonë se ajo që nuk të vret të bën më të fortë, dhe është e vërtetë.”
Ajo shtoi se vështirësitë e jetës e kanë ndihmuar të kuptojë më mirë vlerën e miqësisë dhe mbështetjes emocionale.
Ndër miqtë që e kanë mbështetur gjatë kësaj periudhe përmenden këngëtarët Chris Martin dhe Adele. Sipas raportimeve, Chris Martin i ka dërguar një fotografi të një vazoje të thyer të riparuar me ar, me mesazhin: “Kintsugi — do të jesh shumë më e fortë pas kësaj.”
Shakira u shpreh se, pavarësisht vështirësive, e sheh jetën si një kombinim të dritës dhe errësirës dhe është mirënjohëse për çdo përvojë. Sa i përket ish-partnerit të saj, ajo tha se gjithmonë do të ketë mirënjohje për të si baba i fëmijëve të saj.
Në lidhje me jetën sentimentale aktuale, këngëtarja tha se për momentin nuk ka hapësirë për romancë, duke theksuar se fokusi i saj është tek fëmijët dhe karriera.
“Jam e dashuruar me karrierën time si kurrë më parë,” u shpreh Shakira.
