Dy persona mbetën të plagosur të enjten pas një përleshjeje fizike të regjistruar në Prishtinë. Policia njoftoi se dy persona ishin sulmuar nga një i dyshuar. Pas ngjarjes i dyshuari është lokalizuar dhe rezultoi se edhe ai ishte i plagosur.
Ata janë dërguar për mjekim në QKUK ndërsa mësohet se personi që u sulmua nga i dyshuari është në gjendje të rëndë. Policia shton se në këtë ngjarje dyshohet se është përdorur edhe një armë.
“Dy viktimat meshkuj kosovarë, kishin pësuar lëndime si pasojë e sulmit nga i dyshuari mashkull kosovar. Pas një kohe është lokalizuar i dyshuari i cili kishte pasur një plagë në këmbë dhe është dërguar në QKUK për tretman mjekësor.
Në rast dyshohet se është përdorur një armë. Njëri nga viktimat dhe i dyshuari gjenden në QKUK nën mbikëqyrje të policisë për shkak të lëndimeve dhe sipas mjekut viktima është në gjendje të rëndë shëndetësore”, njofton policia.
