Nisi sot në orën 18:20 marshimi i mijëra qytetarëve drejt bulevardit dhe më tej drejt Kryeministrisë. Në Tiranë po zhvillohet protesta e 14-të radhazi kundër qeverisë, ndërsa qytetarët vijojnë qëndresën e tyre për largimin e kryeministrit Edi Rama.
Mijëra emigrantë prezent në revoltën e sotme kundër qeverisë .
Qytetarët fillimisht janë mbledhur në sheshin “Skënderbej” për të vijuar përpara kryeministrisë, vendi ku prej 14 ditësh kanë artikuluar kërkesat e tyre.
Ata kanë vijuar me thirrjet e përsëritura “Rama jep dorëheqjen”, “Shqipëri e re” dhe “Revolucion”, të cilat kanë qenë mes sloganeve kryesore të revoltës. Protestuesit kanë deklaruar se këto tubime do të vijojnë çdo ditë, duke kërkuar dorëheqje të qeverisë së Edi Ramës.
