Sot mbahet gjyqi i themelit për dosjen “Partizani”. Ish-ministri Ylli Pango është paraqitur në gjykatë si dëshmitar.
Seanca e mëparshme u mbajt më datë 8 qershor, ku dhanë dëshminë ish-ministri i Ekonomisë, Genc Ruli dhe ish-drejtoresha e Sportit, Violeta Shqevi. Ata u pyetën nga prokurorët dhe palët në lidhje me proceset e privatizimit dhe administrimin e ish-kompleksit sportiv “Partizani”. Krahas Pangos, në GJKKO do dëshmojë dhe dëshmitarët e tjerë si Tetis Lubonja, Altin Ceni e Paro Laçi. Roli i ish-ministrit Pango në dosjen në fjalë, lidhet me ndryshimet ligjore të vitit 2008 për “Ligjin për Sportin”, të cilat i hapën rrugë privatizimit dhe ndryshimit të destinacionit të pronave të klubit.
