Flash

Julianne Moore përballet me kritika pas komenteve në Kanë

Lapsi.al 17 May 2026
Julianne Moore përballet me kritika pas komenteve në Kanë

Julianne Moore ka shkaktuar debat në rrjet pas deklaratës së saj se nuk i pëlqejnë filmat me “shpërthime dhe armë”.

Gjatë një interviste në Festivalin e Filmit në Kanë, aktorja 65-vjeçare foli për projektet që dëshiron të realizojë në këtë fazë të karrierës së saj, duke theksuar se është gjithnjë e më pak e interesuar për histori të mbushura me dhunë artificiale.

“Nuk më pëlqen kur dikush vritet. Nuk më pëlqejnë shpërthimet dhe armët. Nuk më pëlqejnë dramat e ekzagjeruara apo tensioni i krijuar pa emocione reale,” u shpreh Moore.

Ajo shtoi se, në një kohë kur bota po përballet me probleme serioze, e ka të vështirë të investohet emocionalisht në histori që i duken “të rreme” apo të zbrazëta.

Megjithatë, deklaratat e saj nuk u pritën mirë nga të gjithë. Në rrjetet sociale, shumë fansa e akuzuan aktoren për hipokrizi, duke kujtuar se gjatë karrierës së saj ka luajtur në filma të mbushur me dhunë dhe armë.

“Kam humbur numrin e filmave ku ajo ka përdorur armë,” shkroi një komentues, ndërsa një tjetër ironizoi: “Artistët harrojnë filmat e tyre kur vjen koha për të dhënë leksione morali.”

Shumë përdorues përmendën rolet e saj në filma si “Hannibal” dhe seria “The Hunger Games”, ku dhuna dhe armët janë pjesë qendrore e historisë.

Megjithatë, pati edhe nga ata që e mbështetën aktoren, duke thënë se ajo ka të drejtë të ndryshojë mënyrën se si i sheh projektet artistike me kalimin e viteve.

Julianne Moore ndodhet në Festivalin e Kanës si fituese e çmimit “Women in Motion”, që vlerëson gratë që kanë ndikuar në avancimin e rolit të grave në kinema dhe shoqëri.

Të këshilluara

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

17°c

KËMBIMI EURO

90.02

aktuale

Ndiqe Lapsin edhe në

Me interes nga publiku

Me sytë katër

PAPARAZZI