Më shumë se një vit pasi u përfolën për një lidhje romantike, Mariah Carey dhe Anderson .Paak janë shfaqur sërish bashkë në publik, këtë herë në një dalje të mbushur me momente romantike.
Dy artistët u fotografuan duke u kapur përdore teksa mbërritën në qendrën tregtare Century City në Los Angeles për një shfaqje speciale të filmit “The Devil Wears Prada 2”.
Zërat për një romancë mes tyre nisën në dhjetor të vitit 2024, kur të dy u panë në një darkë në Aspen, Colorado. Në atë kohë, burime pranë artistëve kishin deklaruar se marrëdhënia ishte thjesht profesionale dhe se po punonin së bashku për muzikë të re.
Megjithatë, dalja e fundit dhe afërsia e tyre në publik kanë rikthyer spekulimet për një lidhje romantike. Më herët, Carey kishte bërë shaka për raportin me .Paak gjatë një interviste, duke thënë: “Ai thjesht pëlqen të më mbajë dorën.”
Mariah Carey ka qenë më parë e martuar me Nick Cannon, me të cilin ka dy fëmijë binjakë, ndërsa .Paak u nda nga bashkëshortja e tij në vitin 2024.
