Flash

Vetëm një ditë afat për caktimin e presidentit, Kosova drejt zgjedhjeve të reja

Lapsi.al 27 April 2026
Vetëm një ditë afat për caktimin e presidentit, Kosova drejt

Ka mbetur vetëm një ditë për zgjedhjen e presidentit të ri të vendit. Nëse as të martën, më 28 prill, nuk arrihet konsensus dhe nuk zgjidhet kreu i shtetit, Kuvendi i Kosovës shpërndahet dhe vendi shkon në zgjedhje të reja brenda 45-ditësh.

Lëvizja Vetëvendosje ka kërkuar nga Partia Demokratike e Kosovës dhe Lidhja Demokratike e Kosovës që të propozojnë tre emra për president, si një zgjidhje “konkrete dhe përbashkuese” për të dalë nga ngërçi politik që po e rrezikon stabilitetin institucional.

Ndërkohë, kryetari i LDK-së, Lumir Abdixhiku, i ka propozuar kryeministrit Albin Kurti emrin e Vjosa Osmanit për postin e presidentes, duke kërkuar garanci se kandidatura e saj do të siguronte mbështetjen e 66 deputetëve të mazhorancës.

Mbrëmjen e së dielës, shefja e grupit parlamentar të Lëvizjes Vetëvendosje, Arbërie Nagavci, ka theksuar se, përtej deklaratave në rrjete sociale të Partisë Demokratike të Kosovës dhe Lidhjes Demokratike të Kosovës, nuk është dorëzuar zyrtarisht asnjë propozim për t’i dhënë vendit një president konsensual. Ajo sërish ka ftuar opozitën që të propozojë tre kandidatë të pranueshëm, jashtë skenës politike.

Lidhja Demokratike e Kosovës është shprehur e gatshme të mbështesë Vjosa Osmanin, nëse sigurohen 66 votat e nevojshme, ndërsa Partia Demokratike e Kosovës ka bërë të ditur se nuk do të marrë pjesë në votim në rast se seanca për zgjedhjen e presidentit mbahet.

Nga ana tjetër, Vetëvendosje po insiston që kandidati për president të jetë figurë jashtë politikës aktuale, ndërsa Aleanca për Ardhmërinë e Kosovës po pret zhvillimet e radhës për të përcaktuar qëndrimin e saj.

Të këshilluara

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

19°c

KËMBIMI EURO

90.02

aktuale

Ndiqe Lapsin edhe në

Me interes nga publiku

Me sytë katër

PAPARAZZI