Këngëtarja e njohur Sia ka reaguar publikisht pas marrëveshjes së fundit ligjore me ish bashkëshortin e saj të Daniel Bernad, ku është detyruar të paguajë mbi 40 mijë dollarë në muaj për mbështetjen e fëmijës.
“Jam një nënë që punon dhe jeton pa alkool, që po përpiqet të blejë paqe,” shkroi artistja në një postim në rrjetet sociale.
Sipas dokumenteve gjyqësore, Sia do të paguajë rreth 42,500 dollarë në muaj për djalin e tyre 2-vjeçar, Somersault Wonder. Ajo theksoi se ka kujdestarinë kryesore të fëmijës dhe është i vetmi prind që siguron të ardhura, por gjithsesi detyrohet të paguajë për shkak të ligjeve të shtetit të Kalifornisë.
Artistja e hitit Chandelier e përshkroi vitin e fundit si shumë të vështirë.
“Ka qenë një vit i tmerrshëm, por më mësoi si të përballem me situata shumë të vështira, të vendos familjen në plan të parë dhe të mos përthith negativitetin e të tjerëve,” u shpreh ajo.
Përveç pagesës mujore, Sia do të mbulojë edhe: shkollimin privat të djalit, aktivitetet jashtëshkollore si dhe shpenzimet shëndetësore që nuk mbulohen nga siguracioni. Gjithashtu, ajo do të mbajë sigurimin shëndetësor për fëmijën.
Çifti, që u martua në vitin 2022 dhe u nda në vitin 2025, do të ndajë kujdestarinë ligjore të djalit sipas një marrëveshjeje të arritur mes tyre.
