Çmimet e naftës së papërpunuar janë rritur ndjeshëm në tregjet aziatike këtë mëngjes, duke reflektuar shqetësimet për përshkallëzimin e konfliktit në Lindjen e Mesme.
Nafta Brent crude u rrit me mbi 4%, duke kaluar nivelin e 105 dollarëve për fuçi dhe arriti rreth 105.55 dollarë. Ndërkohë, nafta WTI crude u rrit me rreth 3%, duke u tregtuar në 103.16 dollarë për fuçi.
Rritja vjen pasi Trump deklaroi se Iran do të goditet “fort” për dy deri në tre javët e ardhshme, duke rritur frikën për ndërprerje të furnizimit global me energji dhe tensione të mëtejshme në rajon.
Paralelisht me rritjen e çmimeve të naftës, tregjet financiare amerikane kanë reaguar negativisht. Kontratat futures në Wall Street janë në rënie, me indeksin Nasdaq Composite që humbet rreth 1.2% dhe S&P 500 që bie me rreth 1%.
Analistët theksojnë se tensionet gjeopolitike po ndikojnë drejtpërdrejt në tregjet globale, duke shtuar pasigurinë dhe duke nxitur investitorët të largohen nga asetet më të rrezikshme.
Zhvillimet në Lindjen e Mesme dhe retorika e ashpër mes palëve pritet të vijojnë të kenë ndikim të drejtpërdrejtë në çmimet e energjisë dhe stabilitetin e tregjeve ndërkombëtare në ditët në vijim.
