Shaquille O’Neal ka mohuar kategorikisht se ka dërguar mesazhe të papërshtatshme ndaj këngëtares Sabrina Carpenter, duke e quajtur gjithçka një trillim të rrjeteve sociale.
Gjatë podcast-it të tij “The Big Podcast”, ish-ylli i Los Angeles Lakers lexoi një mesazh të supozuar viral, ku pretendohej se ai i kishte shkruar Carpenter-it. Mesazhi përmbante fraza të papërshtatshme dhe flirtuese, ndërsa në bisedën e sajuar, Carpenter i përgjigjej se ai ishte “shumë i famshëm për të dërguar mesazhe të tilla”.
[embed]https://www.instagram.com/p/DUTon5GkokP/?img_index=2[/embed]
O’Neal e vuri në dyshim autenticitetin e tyre, duke pyetur të ftuarin Jim Jones nëse mesazhet ishin reale apo të sajuara. Reperi theksoi se rrjetet sociale janë bërë të paparashikueshme dhe se teknologjia mund të krijojë çdo gjë.
Ish-basketbollisti shtoi me humor se ai ka “më shumë stil” sesa ajo që paraqitej në mesazhet e supozuara, duke lënë të kuptohet se ato nuk janë të vërteta.
Në jetën personale, O’Neal ka qenë i martuar me Shaunie Henderson nga viti 2002 deri në 2011, me të cilën ka katër fëmijë. Ndërkohë, Carpenter besohet të jetë beqare pas ndarjes së saj nga aktori Barry Keoghan në fund të vitit 2024.
