Taylor Swift i ka bërë një dedikim të ëmbël të fejuarit të saj, Travis Kelce, gjatë fjalimit të pranimit të çmimit për “Best Pop Album” në iHeartRadio Music Awards 2026.
Këngëtarja 36-vjeçare u shpall fituese për albumin e saj të vitit 2025, The Life of a Showgirl, në ceremoninë e mbajtur më 26 mars në Los Angeles.
Gjatë fjalimit, Swift falënderoi fansat për energjinë që i kanë dhënë gjatë turneut dhe që, sipas saj, kanë ndikuar drejtpërdrejt në frymëzimin e albumit. Ajo e përshkroi projektin si një reflektim të ndjenjave të lumturisë, forcës dhe lirisë që përjeton në skenë dhe në jetën personale.
Një moment i veçantë ishte kur ajo përmendi publikisht të fejuarin e saj:
“Ky album ndihet i lumtur, i sigurt dhe i lirë sepse kështu ndihem çdo ditë të jetës sime, falë të fejuarit tim që është këtu sonte.”Deklarata e saj u prit me duartrokitje, ndërsa kamerat fokusuan Kelce-n në publik.
Në këtë mbrëmje, çifti u shfaq për herë të parë së bashku në një ceremoni çmimesh, duke pozuar për fotografë dhe duke tërhequr vëmendjen e mediave. Më vonë, ata u panë duke kërcyer gjatë performancës së RAYE, madje Swift bëri edhe një gjest humoristik duke i treguar unazën e fejesës partnerit të saj.
