Flash

Lamar Odom kujton periudhën e errët me Khloé Kardashian

Lapsi.al 25 March 2026
Lamar Odom kujton periudhën e errët me Khloé Kardashian

Ish-basketbollisti i NBA-së Lamar Odom ka reflektuar për marrëdhënien e tij me ish-bashkëshorten Khloé Kardashian dhe mbidozën që i rrezikoi jetën në vitin 2015.

Në dokumentarin e ri të Netflix, “Untold: The Death and Life of Lamar Odom” ai u shpreh se rikthimi në atë periudhë ishte “traumatik”, ndërsa tregoi se ai dhe Kardashian nuk janë rilidhur gjatë xhirimeve të dokumentarit.

Sipas tij, takimi i fundit mes tyre ka qenë në vitin 2025, gjatë një episodi të The Kardashians, i cili nuk shkoi mirë.

“Për mua nuk shkoi mirë. U ndjeva sikur isha nën sulm,” tha Odom, duke shtuar se megjithatë nuk mund të mohojë dhimbjen që i ka shkaktuar ish-partneres.

Ai pranoi se Kardashian ka qenë pranë tij në momentet më të vështira, përfshirë kohën kur ai ishte në gjendje kome pas mbidozës.

“Ajo gjithmonë përpiqej të bënte më të mirën për mua. Por ishte shumë e vështirë, sidomos gjatë rikuperimit tim,” u shpreh Lamar.

Në dokumentar, Kardashian rrëfen edhe për tradhtitë dhe varësinë e Odom, duke kujtuar momentet kur e gjente atë në motele mes drogës.

“Ai ishte një njeri i kapur nga varësia,” pranoi Odom, duke shtuar se nuk kujton shumë nga ajo periudhë për shkak të dëmtimeve në tru.

 

Të këshilluara

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

14°c

KËMBIMI EURO

90.02

aktuale

Ndiqe Lapsin edhe në

Me interes nga publiku

Me sytë katër

PAPARAZZI