Jessie J ka përjetuar një incident të papritur gjatë turneut të saj “No Secrets” në Hangzhou, duke u detyruar të kryejë një ekzaminim urgjent MRI pasi goditi kokën në tavanin e një makine.
Artistja 37-vjeçare ndau momentin në Instagram, ku shihet duke u përplasur me pjesën e sipërme pasi kishte vendosur të ulej në pjesën e pasme. Fillimisht, ajo mendoi se kishte thyer qafën.
[embed]https://www.instagram.com/reel/DWJBtiBDGUi/?igsh=NjZiM2M3MzIxNA%3D%3D[/embed]
Pamjet më pas tregojnë këngëtaren në spital duke iu nënshtruar një skanimi MRI. Fatmirësisht, analizat konfirmuan se nuk kishte fraktura, por ajo pësoi dëmtime në qafë dhe shpinë.
“Thashë se e theva qafën, por jo — thjesht e kam dëmtuar keq qafën dhe shpinën,” u shpreh ajo, duke shtuar se kishte vështirësi të lëvizte kokën, por planifikonte të vazhdonte me performancat duke marrë qetësues.
Fansat reaguan menjëherë duke i uruar shërim të shpejtë dhe duke e përgëzuar për profesionalizmin e saj.
Ky incident vjen pas një periudhe të vështirë për artisten, e cila në qershor 2025 zbuloi publikisht se ishte diagnostikuar me breast cancer dhe më pas iu nënshtrua një mastektomie. Megjithatë, ajo ka treguar forcë dhe optimizëm gjatë gjithë rrugëtimit të saj, duke vazhduar aktivitetin muzikor dhe turneun ndërkombëtar.
