Policia e Lezhës ka nisur hetimet ndaj dy të miturve, 17 dhe 14 vjeç, për një vjedhje të ndodhur dje në shkollën “Besëlidhja”. Sipas pamjeve filmike, ata, së bashku me 4 persona të tjerë, kanë dëmtuar dyert e brendshme të shkollës. Më pas ata kanë marrë 16 laptopë dhe DVR-në e kamerave të sigurisë. Drejtoresha e shkollës kishte konstatuar 5 dyer të dëmtuara dhe ka njoftuar policinë menjëherë, duke ngritur alarmin për marrjen e pajisjeve dhe dokumenteve. Grupi hetimor ka identifikuar dy të miturit, të cilët janë proceduar në gjendje të lirë.
Policia po vijon punën për identifikimin e kapjen e bashkëpunëtorëve dhe për rikuperimin e laptopëve dhe DVR-së. Hetimet përfundimtare pritet të zbardhin të gjithë rrethanat e ngjarjes.
