Një kamion është përfshirë nga flakët në By-Passin e Vlorës gjatë ditës së sotme, duke u shkrumbuar pothuajse plotësisht. Zjarri ka rënë teksa mjeti ishte në lëvizje. Në vendngjarje ndërhynë forcat zjarrfikëse, të cilat arritën të shuajnë flakët, por kamioni kishte pësuar tashmë dëme të mëdha materiale.
Drejtuesi i mjetit ka dalë në kohë nga kabina dhe fatmirësisht nuk ka pësuar lëndime. Paraprakisht dyshohet se zjarri është shkaktuar nga një defekt në motor, ndërsa autoritetet po vijojnë verifikimet për të sqaruar shkaqet e plota të incidentit.
