Miley Cyrus ka ngjallur reagime të forta në rrjetet sociale pasi u pa duke mos reaguar aspak gjatë momentit kur Lady Gaga fitoi çmimin “Best Pop Vocal Album” në ceremoninë e Grammy Awards 2026, të mbajtur të dielën mbrëma.
Këngëtarja e hitit “Flowers”, 31 vjeç, qëndroi ulur dhe nuk duartrokiti kur Gaga u ngjit në skenë për të pranuar çmimin për albumin “Mayhem”. Ndryshe nga Cyrus, shumica e të nominuarve të tjerë, përfshirë Sabrina Carpenter, u ngritën në këmbë dhe duartrokitën.
Pamjet u shpërndanë me shpejtësi në rrjetet sociale, ku shumë fansa e interpretuan sjelljen e Cyrus si një injorim ndaj Lady Gaga-s. “Miley gjatë fitores së Gaga-s? Çfarë po ndodh?”, shkroi një përdorues në X, ndërsa të tjerë kërkuan shpjegime për qëndrimin e saj.
Megjithatë, disa fansa dolën në mbrojtje të Cyrus, duke theksuar se reagimi i saj nuk kishte lidhje me Lady Gaga-n, por me producentin Andrew Watt, i cili bashkëpunoi në albumin fitues. Sipas tyre, Cyrus dhe Watt kanë një marrëdhënie të tensionuar që prej bashkëpunimit të tyre në albumin “Plastic Hearts” në vitin 2020.
“Miley nuk do të ngrihej kurrë në këmbë për sa kohë Andrew Watt ishte në skenë. Kjo nuk kishte të bënte me Gaga-n”, shkroi një komentues.
Arsyet e përplasjes së supozuar mes Cyrus dhe Watt mbeten të paqarta, megjithëse fansat kanë spekuluar për një lidhje të shkurtër romantike mes tyre gjatë punës për “Plastic Hearts”. Vetë Watt, në një intervistë të vitit 2020, kishte folur me superlativa për Cyrus, duke e cilësuar si një artiste që “e di gjithmonë saktësisht çfarë dëshiron”.
