Taylor Swift po shijon jetën me familjen dhe miqtë, pavarësisht se u përfshi papritur në dramat ligjore të Blake Lively.
Sipas burimeve të Page Six, këngëtarja 36-vjeçare nuk është e shqetësuar për çështjen ligjore, të cilën e konsideron se “nuk e përfshin atë”.
Si pjesë e padisë për ngacmim seksual dhe hakmarrje që Lively ka ngritur kundër bashkë-aktorit dhe regjisorit të filmit It Ends With Us, Justin Baldoni, u bënë publike mesazhe private mes Lively dhe Swift.
Publikimi i këtyre mesazheve ka krijuar një distancë të dukshme mes dy mikeshave që dikur njiheshin si të pandara.
Në një nga këto mesazhe, Lively e përshkruante Swift si një nga “dragonjtë” e saj dhe kërkonte ndihmën e saj për të bindur Baldonin të pranonte ndryshimet në skenar gjatë një takimi në prill 2023. Swift iu përgjigj: “Do të bëja gjithçka për ty!!”, dhe më pas lavdëroi skenarin gjatë takimit.
Me afrimin e publikimit të filmit dhe shtimin e tensioneve në xhirime, toni i komunikimit mes tyre ndryshoi. Në prill 2024, Lively i dërgoi Swift-it trailerin e filmit, ku përfshihej një nga këngët e saj. Swift i sugjeroi se kjo e vendoste Lively-n në një pozicion me më shumë pushtet mbi projektin.
Në dhjetor 2024, kur raportoheshin tensionet në xhirime, Lively i shkroi Swift-it duke pyetur mbi gjendjen e miqësisë së tyre dhe duke pranuar se kishte qenë e përqendruar vetëm te problemet e veta.
Swift iu përgjigjduke pranuar se kishte ndjerë “një lloj ndryshimi” në mënyrën se si Lively i ishte drejtuar muajt e fundit, megjithëse tregoi mirëkuptim për stresin që aktorja po përjetonte për shkak të procesit gjyqësor.
Ajo shtoi se disa nga mesazhet e fundit të Lively-t i ishin dukur “si email-e korporate të dërguara qindra personave”.
Këngëtarja theksoi se i mungonte versioni i zakonshëm i shoqes së saj — “mikja e sinqertë, me humor të errët dhe e drejtpërdrejtë”, dhe jo dikush që fliste në mënyrë formale apo e distancuar.
